Umiiyak ang langit
Nagpupuyos ang hangin
Hinahampas ng alon
Ang mapagpaubayang buhangin
Sa dagundong ng kulog
Bubong ay parang lilipad
Ang manaka-nakang kidlat
Sa isipa'y gumugulat
Matapos ang halos
Isa at kalahating oras
Ang araw namukadkad
At nagliwanag ang bukas
Unos ay tumigil
Sigwa ay nawala
Umagang kayganda
Aliwalas ang nagbadya
No comments:
Post a Comment